Energo-mexanika fakulteti

Energo-mexanika fakulteti

Energo-mexanika fakul’teti Navoiy davlat konchilik institutining asosiy fakul’tetlaridan  biri bo‘lib, 1995 yil iyul oyida tashkil etilgan.

1995-2003 yillarda fakultet dekani lavozimida texnika fanlari nomzodi R.T.Ablaev, 2003-2004 yillarda dotsent U.R.Inamov ishlagan bo‘lsa, 2004 -2007 yillarda  dots. K.Sherov, 2007-2010 yillarda dots.  B.Mardonov,  2010 yil sentyabrdan hozirgi kungacha   p.f.d.  prof S.J.Bozorova faoliyat ko‘rsatmoqda.

Hozirgi kunda fakul’tet tarkibida “Elektr energetikasi,”  “Mashinasozlik texnologiyasi, “, “Avtomatlashtirish va boshqaruv”  hamda ”Umumiy fizika” kafedralari mavjud.

Fakultetda hozirgi kunda jami 817 nafar  talaba tahsil oladi. Energo-mexanika fakul’tetida 5310100  “Elektr energetikasi,  5320200 “Mashinasozlik texnologiyasi, mashinasozlik ishlab chiqarishni jixozlash va  avtomatlashtirish”,  5311000-“Texnologik jarayonlar va ishlab chiqarishni avtomatlashtirish va boshqaruv” ta’lim yo‘nalishlari va  5A320201 “Mashinasozlik texnologiyasi va jihozlari”  hamda   5A 311001 “Texnologik jarayonlarni va ishlab chiqarishni avtomatlashtirish”  mutaxassikliklari bo‘yicha mutaxassislar tayyorlanadi. Fakul’tet bitiruvchilari mamlakatimiz va xorijiy mamlakatlarning konchilik, mashinasozlik  va energetika sohalarida hamda oliy va o‘rta maxsus o‘quv muassasalarida, shuningdek, turli  ilmiy tekshirish institutida faoliyat ko‘rsatmoqdalar.

Fakultetda 42 nafar professor-o‘qituvchilar talabalarga fan sirlarini o‘rgatmoqdalar, ularning 1 nafari fan doktori professor, 15 nafari fan nomzodi, dotsentlardir.  Ta’lim  va ishlab  chiqarish uzviyligini ta’minlash maqsadida 2002 yil sentyabr oyida “Navoiy mashinasozlik zavodi” ICHB bazasida “Mashinasozlik texnologiyasi“ kafedrasining filiali “Navoiy elektr tarmoqlari” korxonasida “Elektr energetikasi” hamda NMZda  “Avtomatlashtirish   va boshqaruv”  kafedralarining filiallari tashkil etildi.

Fakul’tetning ikki nafar o‘qituvchisi Davlat mukofoti ( “Mehnat shuxrati” va  “Do’stlik” ordeni)ga  sazovor bo‘lgan.

 Fakul’tetda   Xalqaro ERASMUS MUNDUS dasturining ARCADE loyihasi doirasida Evropa universitetlarida o‘qishni davom ettirish maqsadida  “Talaba almashinuv” dasturi granti g‘olibligini qo‘lga kiritgan  fakultetning 2 nafar talabasi Italiyaning Turin politexnika universitetida “Mashinasozlik texnologiyasi” yo‘nalishi bo‘yicha ta’lim oldi.  Institutda “Mexatronika”  bo‘yicha magistratura yo‘nalishini ochish uchun  fakultetning ikki nafar o‘qituvchisi  Shvetsiyaning  Stokgolm shaxridagi Kirollik texnika universitetida  ikki haftalik malaka   oshirdi.

2 nafar talaba Beruniy stipendiantidir.