NAVOIYNI ANGLASH OLIY SAODAT!

Navoiy deganda har birimizning qalbimiz cheksiz faxru iftixorga to‘ladi. Yurtimizda ul zot ijodini puxta o‘rganish, asarlarini qayta va qayta, to‘liq nashr etish, ularda ulug‘langan g‘oyalardan yosh avlod tarbiyasida keng foydalanish yuzasidan tizimli ishlar amalga oshirilmoqda.
         Navoiy davlat konchilik instituti Kimyo-metallurgiya fakultetida hazrat Alisher Navoiy tavalludining 581 yilligi munosabati bilan “Navoiy yodi ila yashaymiz mudom” mavzusida ma’naviy-ma’rifiy tadbir bo‘lib o‘tdi.
         Tadbirni institut prorektori J.Nazarov kirish so‘zi bilan ochib berdi. O‘zbekiston Yozuvchilar uyushmasi a’zosi O‘lmasbek Samarqandiy, shoira Muhayyo Pirnafasova va jurnalist Azamat Zaripovlar so‘zga chiqib, Navoiy asarlarida Vatan madhi, ezgulikka chorlovchi g‘oyalar to‘g‘risida firk-mulohazalarini bildirdilar. Talabalar tomonidan Navoiy g‘azallaridan namunalar o‘qildi.

NDKI Axborot xizmati