YAPONIYANING NUFUZLI UNIVERSITETI BILAN YAQIN HAMKORLIK YO‘LGA QO‘YILADI

Navoiy davlat konchilik institutiga Yaponiya Xalqaro hamkorlik agentligi  (JICA) hamda Kyusyu universiteti vakillari tashrif buyurdilar.

Yaponiya xalqaro hamkorlik agentligi (JICA) – mamlakatimizning bir qator oliy o‘quv yurtlari, umumta’lim maktablari, maktabgacha ta’lim muassasalarida va bolalar va o‘smirlar sport maktablarida informatika, sport, musiqa va turli madaniy tadbirlarni amalga oshirish va ko‘maklashish bo‘yicha faoliyat yuritadi.

Tashrif davomida Kyusyu universiteti olimlari tomonidan talabalarga “Yaponiyada oltin qazib olish usullari” mavzularida ma’ruzalar qildilar. Mehmonlar Navoiy kon-metallurgiya kombinatining “Muruntov” konida bo‘lib, dunyodagi eng yirik oltin konining imkoniyatlari bilan tanishdilar.