Yangiliklar

YANGI O`ZBEKISTONNING ISTE`DODLI YOSHLARI


O’zbekiston Respublikasi Oliy va o’rta maxsus ta’lim vazirligi tomonidan e’lon qilingan professor-o’qituvchilar, doktorantlar va iqtidorli talabalar o’rtasida birinchi va ikkinchi Renessans davri va yutuqlari, yangi Renessans poydevorini yaratish masalalariga bog’liq “Yangi O’zbekistonning iste’dodli yoshlari” yilning eng yaxshi maqolalar tanlovida Navoiy davlat konchilik instituti 25-19 IQ guruh talabasi Xudoyberdiyev Olimjon Furqat o’g’li g’olib deb topildi. Ushbu yutuq bilan iste’dodli talabamizni, uning ota-onasi va ustozlarini tabriklaymiz!

Xudoyberdiyev Olimjon Navoiy davlat konchilik institutida hamda Respublika miqyosida o’tkaziladigan tadbirlarda faol qatnashib, bir qator diplom, sertifikat va tashakkurnomalar bilan taqdirlangan. Xususan kitobxonlik, zakovat, fan, axborot texnologiyalari va ilmiy maqolalar tanlovlarida e’lon qilgan materiallari tadbirlar tashkilotchilarining e’tiroflariga sazovor bo’lgan. U iqtisodiyot yo’nalishidagi ingliz, rus tillaridagi materiallarni ham yig’ib, ularni qunt bilan o’rganishga intilishi bilan ajralib turadi.

Xudoyberdiyev Olimjon Furqat o’g’lining sevimli mashg’uloti sifatida ilmiy-ijodiy izlanish ekanligini ta’kidlash lozim. Jumladan, ushbu g’oliblikni qo’lga kiritgan tanlovda “Iqtisodoyot va menejment” kafedrasi mudiri, i.f.PhD. H.N.Baqoyev ilmiy rahbarligida “Navoiy viloyatida kichik biznes faoliyati rivojlanish holatini ekonometrik prognozlash” nomli maqola bilan ishtirok etgan. Yosh bo’lishiga qaramasdan Olimjonning 10 dan ortiq ilmiy maqola va ishlari nufuzli manbalarda nashr etilgan.  Unga topshirilgan barcha vazifalarni o’z vaqtida bajaradi. U kafedra huzurida tashkil etilgan “Iqtisodchi” va “Biznes klub” to’garaklari, hamda institut miqyosidagi “Zakovat” intellektual klubi  faol a’zosi hamdir.