REKTOR VA YOSHLAR

Navoiy davlat konchilik institutida "Yangi O‘zbekistonni, albatta, yoshlar bilan birga quramiz!" shiori ostida “Rektor va yoshlar” uchrashuvi bo‘lib o‘tdi. Unda institut rektori, professor Q.Sanaqulov ma’ruza qildi.

2021 yil – “Yoshlarni qo‘llab-quvvatlash va aholining sog‘lig‘ini mustahkamlash yili” doirasida tashkil etilgan uchrashuvda keng ko‘lamli islohotlarda yoshlarning faol ishtirokini ta’minlash, yuksak ma’naviyatli, mustaqil va erkin fikrlaydigan, zamonaviy ilm-fan yutuqlarini puxta o‘zlashtirgan, sog‘lom va barkamol avlodni voyaga etkazish masalasi muhim ahamiyatga ega ekanligi qayd etildi.

Talabalar institut rektoriga o‘zlarining fikr-mulohazalari, yutuqlari va kelajakdagi rejalari haqida gapirdlar. O‘z navbatida tajribali murabbiy-ustozlar ham o‘zining talabalik yillarini xotirladi, o‘tmish va bugunni solishtirib, yoshlik yillaridagi voqealardan so‘zlab berdilar.

Ochiq-oshkora, muloqot tarzida o‘tgan uchrashuvda yoshlar turli muammo va masalalar yuzasidan erkin fikr bildirdilar.