INSTITUTNING ILMIY SALOHIYATI OSHMOQDA

Navoiy davlat konchilik institutida 2019/2020 o‘quv yilida amalga oshirilgan ishlar sarhisobiga bag‘ishlangan yig‘ilish bo‘lib o‘tdi. Uni institut rektori, O‘zbekiston Qahramoni Q.Sanaqulov boshqarib bordi.

Institutda ishlab chiqilgan istiqbolli reja asosida yakunlanib borayotgan yilda bir necha olimlarimiz dissertatsiya ishlarini muvaffaqiyatli himoya qildilar. Jumladan, N.Abduazizov, Sh.O‘rinov, T.Botirov, U.Sharafutdinov, U.Kostaev, R.Jo‘raev va I.Egamberdiyevlar fan doktori darajasiga ega bo‘lgan bo‘lsa, O.Toshev, M.Sa’dullaev, M.Normatova, M.Qurbonov, X.Baqoev, U.Sanaqulov, A.Saidaxmedov, Sh.Jo‘raev, Sh.Maxmudov, O.Fuzaylov, A.Ro‘ziboev, J.Mavlonov, F.Raxmonov,  G.Allaberganova, A.Shodiev va F.Axtamovlar tegishli fan tarmog‘i bo‘yicha falsafa doktori (PhD) darajasini oldilar. Jami 23 nafar tadqiqotchi dissertatsiya ishini muvaffaqiyatli himoya qildilar. Joriy yilda institutning ilmiy salohiyati 41,5 foizga etdi.