Navoiy davlat konchilik institutida 1-kursga talabalikka tavsiya etilganlar uchun tanishuv darslari boshlandi

Joriy yil 12 oktyabr kuni Navoiy davlat konchilik institutida 1-kursga talabalikka tavsiya etilganlar uchun tanishuv darslari boshlandi.

Tanishuv darslari belgilangan dars jadvallari asosida tashkil etilib, uchta fakul’tet va Nukus filialida ta’lim yo‘nalishi uchun darslar tashkil etildi.

An’anaviy ta’lim shaklida boshlanayotgan ushbu dars jarayonlari karantin qoidalariga to‘liq amal qilgan holda, auditoriyalarning 50 foizdan ko‘p qismiga talabalarni kiritmasdan olib borilmoqda. Juftliklar orasida talabalarga 10 daqiqalik tanaffus beriladi.

Tanishuv darslarida dastlab madhiyamiz yangrab, 1-bosqich talabalariga dars jadvali, dars beradigan o‘qituvchi va professorlar bilan tanishtirildi. Kerakli darsliklar va foydalaniladigan adabiyotlar haqida ma’lumot berildi. Shuningdek, darslarda oliy ta’lim muassasasi talabasi maqomi, o‘tiladigan darslar, muhim qoidalar, kredit-modul tizimida o‘qish tartibotlari to‘liq tushuntirildi.