Yangiliklar
O‘ZBEKISTON QAHRAMONI BILAN ONLAYN UCHRASHUV
Navoiy davlat konchilik institutida O‘zbekiston Qahramoni Farhod Soyibov bilan talabalar o‘rtasida onlayn videochat shaklida davra suhbati bo‘lib o‘tdi.
Tadbirni institut prorektori Jamoliddin
Nazarov kirish so‘zi bilan ochib, mamlakatimizda mustaqillikni yanada
mustahkamlash yo‘lida bugun barchamiz yangi O‘zbekistonni barpo etishga, uning
mustahkam zaminini yaratishga kirishilgani, O‘zbekiston tom ma’noda milliy
tiklanishdan milliy yuksalish sari yuz tutayotganligini ta’kidladi.
Samimiy muloqot tarzida tashkil etilgan
tadbirda F.Soyibov o‘zining hayot yo‘li, jumladan, Navoiy kon-metallurgiya
kombinati tizimida erishgan yutuqlari haqida gapirib berdi. Uchrashuv
qatnashchilarining savollariga batafsil javob qaytardi.