SAXOVAT VA KO'MAK

Prezidentimiz Shavkat Mirziyoyev tashabbusi bilan sinovli kunlarda ehtiyojmand va muhtoj oilalarga yordam ko‘rsatish va qo‘llab-quvvatlash maqsadida tashkil etilgan “Saxovat va ko‘mak” umumxalq harakati oliy ta’lim muassasalari jamoalari orasida ham keng quloch yozmoqda.

Navoiy davlat konchilik instituti jamoasi ushbu xayriya aksiyasida ishtirok etib, ehtiyojmand fuqarolarimizga ko‘mak berish maqsadida o‘zlarining oylik maoshlarining bir qismini beg‘araz yordam tariqasida “Saxovat va ko‘mak” jamg‘armasiga o‘tkazib berayaptilar.

Shuningdek, kasaba uyushmalari mablag‘lari hisobidan 21 nafar kam ta’minlangan oilaga 13 turdagi oziq-ovqat mahsulotlari jamlanmasi uyiga etkazib berildi.