“O‘zbekiston taraqqiyotida investitsiyalarning roli va ularni jalb etish jozibadorligi” mavzusidagi ilmiy-amaliy seminar o‘tkazildi

         2019 yil 20 sentyabr kuni Navoiy davlat konchilik instituti Kimyo-metallurgiya fakulteti 412-auditoriyada “O‘zbekiston taraqqiyotida investitsiyalarning roli va ularni jalb etish jozibadorligi” mavzusida  ilmiy-amaliy seminar tashkil etildi. Seminarni Navoiy davlat konchilik instituti ishlar boshqarmasi boshlig‘i i.f.d. N.B.Ashurova kirish so‘zi bilan ochib berdi.

Mamlakat ijtimoiy-iqtisodiy jihatdan taraqqiy etishi, barqaror iqtisodiy o‘sishga erishishi, aholi daromadlarining oshishi, turmush sharoitining yaxshilanishi aksariyat holatlarda milliy iqtisodiyotning turli soha va tarmoqlariga jalb etilayotgan investitsiya mablag‘larining hajmi va tarkibiga bog‘liq. Shunday ekan, har bir mamlakat ijtimoiy-iqtisodiy rivojlanish strategiyasining ustuvor yo‘nalishi milliy iqtisodiyotga investitsiya mablag‘larini jalb etishning jozibador muhitini shakllantirishga qaratilishi muqarrardir.

Yaqin kelajakda mamlakatning ijtimoiy-iqtisodiy taraqqiyotini rivojlanayotgan davlatlarning iqtisodiy jihatdan yuqori rivojlanish darajasiga etkazib olishni maqsad qilgan O‘zbekiston uchun respublikaning investitsion jozibadorligini tadqiq etish, investitsiya mablag‘larini ichki kapital resurslar hamda xorijiy investitsiya va kreditlar asnosida ko‘payishiga erishish bo‘yicha taklif va tavsiyalar ishlab chiqish muhim ahamiyat kasb etadi dedilar.

     Shundan so‘ng Iqtisodiyot (tarmoqlar va sohalar bo‘yicha) yo‘nalishi talabalari tomonidan berilgan turli savollarga javoblar berildi.