Hamkorlik

Ma’lumki, Xalq ta’limini yanada rivojlantirish, yoshlarimizning nafaqat bilimi, balki ularning tarbiyasiga  ham e’tibor qaratish masalasi dolzarbligicha qolmoqda. Oliy ta’lim muassasalari va maktablar o‘rtasida hamkorlikni rivojlantirish, professor-o‘qituvchilarning maktablarga borib, dars o‘tishlari bu borada bajarilayotgan ishlardan biridir.

2019 yilning  14 sentyabrida Navoiy davlat konchilik instituti “Ijtimoiy-gumanitar fanlar” kafedrasi mudiri dotsent Olmaxon Xaitova va shu kafedra o‘qituvchisi Shuhrat Norovlar  Karmana tuman 15-sonli maktab yuqori sinf o‘quvchilariga tarix fanidan dars o‘tishdi. Suhbat tarzida o‘tkazilgan bu darsda “Karmana tarixi” kitobining yaratilishi, Prezidentimiz Shavkat Mirziyoev tomonidan ilgari surilgan  5 ta tashabbus va yoshlarimizga davlatimiz tomonidan ko‘rsatilayotgan e’tibor, yaratilayotgan shart-sharoitlar, imkoniyatlar haqida ko‘plab ma’lumotlar berildi.

Karmana tumani Kumushkon xududida joylashgan 32-sonli maktabda o‘tkazilgan darslar ham qiziqarli daqiqalarga boy bo‘ldi. Iqtidorli o‘quvchilar, tasviriy san’atga qiziquvchilar va sport bilan muntazam shug‘ullanib kelayotgan yoshlar Navoiy davlat konchilik institutiga taklif qilindi. 

Navoiy davlat konchilik instituti matbuot kotibi 

Gulnoz Sattorova