URAL FEDERAL UNIVERSITETI BILAN YAQIN HAMKORLIK YO‘LGA QO‘YILDI

Navoiy davlat konchilik institutida Ural federal universiteti rektori Viktor Koksharov rahbarligidagi delegatsiya mehmon bo‘ldi.

Ural federal universiteti QS jahon universitetlari reytingida 351-o‘rinni egallaydi hamda Rossiya Federatsiyasining etakchi ta’lim va ilmiy maskanlaridan biri hisoblanadi.

Uchrashuvda Navoiy davlat konchilik instituti rektori, professor Quvondiq Sanaqulov mehmonlarga  Navoiy kon-metallurgiya kombinati va institut faoliyati, ishlab chiqarish va ilm-fan uyg‘unligini ta’minlash borasida amalga oshirilayotgan ishlar, xorijiy oliy ta’lim muassasalari bilan bugungi kundagi hamkorlik aloqalari haqida ma’lumot berdi.

Olib borilgan muzokaralar natijasida professor-o‘qituvchilarning o‘zaro almashinuvi, ilmiy-amaliy ta’lim tadbirlar o‘tkazish, ilmiy izlanishlarni amalga oshirish kabi masalalarda hamkorlik istiqbollariga qaratilgan bitim imzolandi.

NDKI Axborot xizmati